តយោ បុគ្គលា បុគ្គល ៣ ពួក គឺ៖
១. សេក្ខោ បុគ្គលោ បុគ្គលជាសេក្ខៈ១
២. អសេក្ខោ បុគ្គលោ បុគ្គលជាអសេក្ខៈ២
៣. នេវសេក្ខោ នាសេក្ខោ បុគ្គលោ បុគ្គលមិនមែនជាសេក្ខៈ មិនមែនជាអសេក្ខៈ៣
( បិដកលេខ ១៩ ទំព័រ ១៤០ )
អធិប្បាយ
គប្បីជ្រាបវិនិច្ឆ័យក្នុងបុគ្គលត្តិកៈ តទៅ៖
បុរសបុគ្គល ៧ ជំពូក រមែងសិក្សាត្រៃសិក្ខា ហេតុនោះ ទើបឈ្មោះថា សេក្ខៈ ( អ្នកដែលនៅមានកិច្ចត្រូវសិក្សា ) ។ ព្រះខីណាស្រពមិនបាច់សិក្សាទៀត ព្រោះសិក្សាត្រៃសិក្ខាចប់អស់ហើយ ហេតុនោះ ទើបឈ្មោះថា អសេក្ខៈ ( អ្នកមិនចាំបាច់សិក្សា ) ។ បុថុជ្ជន ឈ្មោះថា សេក្ខៈក៏មិនមែន អសេក្ខៈក៏មិនមែន ព្រោះនៅខាងក្រៅសិក្ខាទាំងឡាយ ។
៣. បានដល់ បុគ្គលជាបុថុជ្ជន
