តយោ អកុសលសញ្ញា សេចក្តីសម្គាល់ជាអកុសល ៣ យ៉ាង គឺ៖
១. កាមសញ្ញា សេចក្តីសម្គាល់ប្រកបដោយកាម
២. ព្យាបាទសញ្ញា សេចក្តីសម្គាល់ប្រកបដោយព្យាបាទ
៣. វិហឹសាសញ្ញា សេចក្តីសម្គាល់ប្រកបដោយការបៀតបៀន
( បិដកលេខ ១៩ ទំព័រ ១៣៥ )
អធិប្បាយ
សញ្ញាដែលប្រកបដោយកាម ឈ្មោះថា កាមសញ្ញា ។ សញ្ញាដែលប្រកបដោយព្យាបាទ ឈ្មោះថា ព្យាបាទសញ្ញា ។ សញ្ញាដែលប្រកបដោយវិហឹសា ឈ្មោះថា វិហឹសាសញ្ញា ។ សូម្បីអាការដែលកើតឡើងនៃសញ្ញាទាំងនោះ គប្បីជ្រាបដូចគ្នានឹងកាមវិតក្កជាដើម ។ ព្រោះសញ្ញាទាំងនេះ ក៏សុទ្ធតែប្រកបដោយកាមវិតក្កជាដើមនោះ ដូចគ្នា ។
