សិក្ខាបទ ៥ គឺ
១. បាណាតិបាតា វេរមណី ការវៀរចាកការសម្លាប់សត្វ
២. អទិន្នាទានា វេរមណី វៀរចាកការកាន់យកទ្រព្យដែលគេមិនបានឱ្យ
៣. កាមេសុ មិច្ឆាចារា វេរមណី វៀរចាកការប្រព្រឹត្តិខុសក្នុងកាមទាំងឡាយ
៤. មុសាវាទា វេរមណី វៀរចាកការនិយាយកុហក
៥. សុរាមេរយមជ្ជប្បមាទដ្ឋានា វេរមណី វៀរចាកហេតុជាទីតាំងនៃសេចក្ដីប្រមាទ ព្រោះផឹកទឹកស្រវឹង គឺ សុរា និងមេរ័យ
( បិដកលេខ ១៩ ទំព័រ ១៧៥ )
អធិប្បាយ
បទដែលគប្បីសិក្សា ឈ្មោះថា សិក្ខាបទ បានដល់ ចំណែកនៃសិក្ខា ។ ម្យ៉ាងទៀត បទនៃសិក្ខា ឈ្មោះថា សិក្ខាបទ ។ បានដល់ ឧបាយជាគ្រឿងឱ្យដល់នូវអធិចិត្តសិក្ខា និងអធិប្បញ្ញាសិក្ខា ។ នេះជាសេចក្ដីសង្ខេប ចំណែកសេចក្ដីពិស្ដារ មានពោលទុកក្នុងសិក្ខាបទវិភង្គ ក្នុងវិភង្គប្បករណ៍នុ៎ះឯង ៕
0 មតិ:
Post a Comment